November 18, 2018 19:57
Македонија

СДСМ: 11 години ВМРО-ДПМНЕ лажеше за наводен економски раст

Единаесетгодишното криминално и расипничко владеење на ВМРО-ДПМНЕ остави долгорочни штети врз економијата и врз квалитетот на живот на граѓаните, обвинува Социјалдемократскиот сојуз на Македонија.

Преку соопштение од СДСМ велат дека само во последниот квартал од владеењето на ВМРО-ДПМНЕ во 2017 година, економијата забележала пад од 1,3 отсто.

„По формирањето на Владата предводена од СДСМ, за нешто помалку од една година, преку успешните економски политики во вториот квартал од 2018 година, Бруто домашниот производ бележи раст од 3.1 отсто. Економските политики на Владата предводена од СДСМ ја стабилизираат и придвижуваат економијата, а како што Македонија се доближува до ЕУ и НАТО така расте и економијата. Наместо вештачко билдање на бројките и веселите математики со кои ВМРО ДПМНЕ 11 години ја уништуваше економијата и ги лажеше граѓаните за некаков наводен раст денеска имаме реален економски раст кој се темели на здрави основи“, се вели во соопштението на СДСМ.

Владејачката партија во таа насока додава дека расте извозот, зголемена е инвестициската активност на компаниите, забележани се рекордни износи на странски инвестиции, повисоки плати, како и раст на индустриското производство.

Related posts

Сончево со умерена облачност и северозападен ветер

24info

Огнен Јанески распали по Владата: Земете тоа тефтерчето на Гоца, полабавко ќе ви биде одлучувањето кој да прави реформи

24news

Собранието денес ќе избира судии и ќе гласа за предлог-законот за јазиците

24news