December 11, 2018 17:07
Ракомет

Македонија ги доби противниците на Светското првенство во ракомет

 Македонската ракометна репрезентација во групната фаза на Светското првенство 2019 ќе се сретне со селекциите на Шпанија, Хрватска, Исланд, Бахреин и Јапонија.

На полудиригираното извлекување што денеска се одржа во Копенхаген, Македонија беше извлечена во групата Б, што значи дека своите натпревари ќе ги игра во градот Минхен во Германија.

Група А: Франција, Русија, Германија, Србија, Бразил, Кореја.
Група Б: Шпанија, Хрватска, МАКЕДОНИЈА, Исланд, Бахреин, Јапонија.
Група Ц: Данска, Норвешка, Австрија, Тунис, Чиле, Саудиска Арабија.
Група Д: Шведска, Унгарија, Катар, Аргентина, Египет, Ангола.

Според системот на натпреварување, најдобропласираните три селекции од секоја група ќе обезбедат пласман во следната фаза. Групата Б во која се наоѓа Македонија, ќе вкрсти со Групата А, а натпреварите во таа новоформирана Главна Група 1, ќе се играат во Келн.

За репрезентацијата на Македонија ова претставува шесто учество на Светските првенства и веќе четврто по ред. Мундијалот за првпат ќе се игра во две држави – Данска и Германија.

Related posts

ЖРК Вардар ја заврши својата приказна: Каде вардарки продолжуваат во иднина?

24info

Вардар ќе игра против Сегед или Кил

24info

РК Бутел со голема победа над фаворизираниот тим на Пелистер

24news