December 11, 2018 17:38
Македонија

„Зборна за Жутиве?“ – СМС-порака меѓу Јанакиески и Кирил Божиновски

На продолжението од судското рочиште за предметот на СЈО, под кодно име „Траекторија“, обвинителката Лиле Стефанова презентира 156 пораки меѓу Миле Јанакиески и Елена Кузманоска од 2012 и 2013 година за договорот со Кинезите за изградбата на автопатиштата во Македонија.

Во СМС-порака меѓу нив двајцата, од 6 декември 2013 година Јанакиески на Кузманоска и’ пишува: „Многу е сериозен проектот да работиме како муви без глави. Досега така го работевме“.

Во следна СМС-порака од истиот ден, пишува: „Нема да ги пишува таа црната, туку Данче и уште еден што беа убедени дека договорот е спротивен на Законот за јавни набавки“.

Во 29 СМС-пораки меѓу Миле Јанакиески и Кирил Божиновски има комуникација за договорот со Кинезите за автопатиштата.

Во порака од 3 март 2013 година пишува: „ПС. Зборна за Жутиве?“. Во друга порака пишува: „На Кинезиве очиве почнаа да им се отвораат од чекање“.

На 26 октомври продолжува изведувањето на СМС-пораките.

Во предметот „Траекторија“, Груевски, Јанакиески, Пешевски и поранешниот директор за државни патишта, Љупчо Георгиевски, се обвинети дека во текот 2012 и 2013 година презеле дејствија со кои во постапката за избор на компанија за изградба на автопатите Миладиновци – Штип и Кичево – Охрид ги искористиле и пречекориле своите овластувања, со што според СЈО, на државниот буџет му нанеле штета од најмалку 155 милиони евра и за истиот износ на компанијата изведувач и овозможиле да се стекне со имотна корист.

Related posts

Независниот синдикат на полицијата бара 20 отсто поголеми плати од јануари 2019

24news

Милошоски: Денес е јасно кои беа аргументите за ослободитeлната пресуда за Поткуп

24info

Тодор Петров: Мора да падне режимот од Муртино

Igor