December 11, 2018 17:42
Балкан

Вучиќ нареди највисока борбена готовност за српската армија

Вучиќ нареди највисока борбена готовност за српската армија

Српскиот претседател Александар Вучиќ нареди целата армија на Србија да биде ставена во највисока борбена готовност, потврдиле за Танјуг извори од Кабинетот на претседателот, кој е и врховен командант на српската армија.

Наредбата му е пренесена на началникот на Генералштабот на српската армија.

Претходно беше соопштено дека околу 60 припадници на косовските специјални единици (РОСУ) биле распоредени во непосредна близина на браната и вештачкото езеро Газивода. Припадниците на РОСУ наводно влегле во Центарот за екологија и развој на спортот, во непосредна близина на хидроелектраната.

Главниот портпарол на КФОР Винченцо Грасо потоа за Танјуг изјави дека мисијата се уште нема информации за тоа дека припадници на РОСУ влегле во северниот дел на Косово, во близина на хидроелектраната Газивода.

Тој додаде дека е во тек проверка на информациите и оти се врши мониторинг на ситуацијата.

Related posts

Парада на гордоста во Подгорица

Ivona

Хоџај: Во Хрватска, Македонија и Црна Гора зборував за „пакт против Србија”

Igor

Животна драма на Лепа Брена: „Со хелихоптер ме префрлија во болница. Се плашев дали ќе преживеам“

24news